Dagen før dagen

Lisensjakt på jerv:

Lisensfellingsperioden for jerv startar 20. august, likt med reinsjakta. Reinsjegerar som evt. ynskjer å jakte jerv må setja seg inn i gjeldande regelverk for slik lisensfelling - sjå statsforvaltaren sine vilkår her.
Lisensjakt på jerv krev også grunneigars samtykke. Sjekk difor ut lokale fjellstyrer, almenningar eller andre grunneigarlag der du ynskjer å jakte. I og med at lisensjakta startar i morgon kan det også vera andre jegerar i terrenget, men som ikkje jaktar villrein.

Observasjonar:

Ingen ferske observasjonar, men basert på meldingar den siste tida har observasjonane vore her (sjå elles oppdatering 17. august):

Reinheimen:

Lesja: Nord og vest i terrenget.
Finndalen: Små bukkeflokkar frå vest til aust i terrenget.
Skjåk: I nord og vest i terrenget.

Breheimen:

Sør-aust: Små flokkar i området mellom Grjotådalen til Sotfly.
Sør-vest: Små flokkar frå Glittervatnet til Langvasseggja.

Ymse:
Vis omsyn til dyra du jaktar på og til andre jegerar - du er sjelden ålene. Les gjerne informasjonsfolderen vår for villreinjakt i vårt område - den finn du her.

Lykke til i morgon!