Jaktinformasjon 29.august

Ei lita hugseliste etter at dyret er felt:

Når du har skote dyret ditt er det nokre ting ein må hugse på;

• Skjer kortet med type dyr og dato. 

• Rydd slakteplassen før du reiser derifrå, og hugs at alt nyttbart kjøtt skal takast med heim. Legg du att kjøtt i fjellet for seinare transport skal dette merkast med kjøtmerkelappen. 

• Alle skal ta CWD prøver av dyr eldre enn kalv. 

• Registrer data om felt dyr i “sett og skutt” så snart som råd (merk at det er ny løysing frå i år, meir info og lenker her.)  

• Alle kalvar skal vegast nøyaktig slaktevekt. Veg gjerne også andre dyr så nøyaktig som råd. I Skjåkvekter heng det vekt på Aursjohytta og utanfor kontoret til SA i Bismo. 

• Hugs at alle kjevar skal leverast inn, også kalv. Kjevane må merkast med kjevelappen som ein fekk utdelt, manglar denne i konvolutten (CWD) så ta kontakt med oss for å få ein ny. På kjevelappen er det betre at du skriv for mange opplysningar enn for få!

• Rensk kjeven GODT før levering (kjevelappen må knytast på kjeven). Alternativt ta med kjeven heim og heng til tørk, før levering. 

Observasjonar gjort av oppsyn i dag:

Reinheimen: Mykje dyr nord for Aursjoen (Aukarsvatnet/Meborrotjønne) i kveld.

Breheimen søraust: Ingen observasjonar gjort av oppsyn her i dag.

Breheimen sørvest: Ingen observasjonar gjort av oppsyn her i dag.