Områdebruk og hytter i Skjåk Almenning

Informasjon om Skjåk Almenning sine utleigehytter for jakta finn du her: Aktuell informasjon — Skjåk Almenning (skjak-almenning.no)

Litt info om reinens områdebruk i sommar og den siste tida:

Reinheimen: Reinen har brukt mykje område i nord og vest. Gjerne mot Asbjørnsdalen på Lesja og Storvassområdet/Skarvedalen i Skjåk. I tillegg til bukkeflokkar nord og sør for Finndalen. Den siste tida har det vore rein både nord for Lordalen og vestover frå Aursjoen til Føysa.

Breheimen søraust: Mykje tilhald i Grjotådalen og Gjelåflaten. Observasjonar frå der også den siste tida. Det er også dyr mellom Tundradalen og Bråtådalføret. Lite observasjonar av bukk i sommar.

Breheimen sørvest: Fostringsdyr i området Glittervatnet - Mårådalen den siste tida.